2025թ․ հունիսի 21-ին ՀՀ Տավուշի մարզի Դիլիջան համայնքում կայացավ արդեն ավանդույթ դարձած ամենամյա «Միմինո» Հայ-Վրացական մշակութային խոհանոցային փառատոնը։ Փառատոնի կազմակերպիչը Հայ Խոհարարական Ավանդույթների Զարգացման և Պահպանման ՀԿ-ն էր՝ Տուրիզմի Հայկական Ֆեդերացիայի հետ համագործակցությամբ։
Փառատոնին ներկայացվեց հայկական ու վրացական մշակույթը՝ ներառյալ խոհանոցը, երաժշտությունը, երգն ու պարն իրենց ընդհանրություններով և առանձնահատկություններով։
«Միմինո» փառատոնի օրերին էլ՝ հունիսի 19-21-ը մեկ այլ նոր նախաձեռնություն իրականացվեց՝ Խոհարարների միջազգային մրցույթ (Internation Contest of Chefs Dilijan 2025), որտեղ մեզ միացել էին նաև Խոհարարական հասարակությունների համաշխարհային ասոցիացիան (WACS) և Խոհարարների ազգային միացյալ ասոցիացիան (UNCA)։ Մրցույթի թիմային հաղթողների մրցանակների հանձնման արարողությունը տեղի ունեցավ «Միմինո» փառատոնի հարթակում։
Միջոցառումներն իրականացվեցին ՀՀ էՆ Զբոսաշրջության կոմիտեի աջակցությամբ և Դիլիջան համայնքի ու համայնքապետարանի հետ համագործակցությամբ։
Այս անգամ մեր գործընկերներն էին նաև․
Գլխավոր գործընկեր՝ Արաքս Թռչնաֆաբրիկան 
Գործընկերներ՝
✓ Դրիմ Պարկը
✓ Դիլիջանի Հին գինետուն ռեստորանը
✓ Դիլիջանի Հովք ռեստորանը
✓ Իջևանի Գինու և կոնյակի գործարանը
✓ Բայազետ ընկերությունը
✓ Դոլմա ռեստորանը
Շնորհակալություն ենք հայտնում աջակիցներին, գործընկերներին և մասնակիցներին!
