Դեկտեմբերի 21-ին «Մեգերյան Կարպետ» մշակութային կենտրոնում տեղի ունեցավ META Օպտիմալացոիմ և Ամադեուս մասնագիտական ուսուցման ծրագրերի վկայականների հանձնման արարողությունը՝ նշելով Հայաստանի զբոսաշրջության ոլորտում թվային և տեխնոլոգիական կարողությունների բարելավմանն ուղղված ինտենսիվ դասընթացների ավարտը։
Դասընթացները մշակվել են RECONOMY-ի «Մրցունակության համար ոլորտների թվայնացում» նախագծի շրջանակներում և աջակցությամբ։ Դասընթացն իրականացվել է Հայաստանի տուրիզմի ֆեդերացիայի և DM Consulting-ի կողմից՝ խթանելով զբոսաշրջության և դրան առնչվող ոլորտներում նորարարության և հմտությունների զարգացմանն ուղղված ամուր գործընկերությունը։
META Օպտիմալացման դասընթացի մասնակիցները ձեռք բերեցին գործնական գիտելիքներ թվային գովազդի, լսարանի թիրախավորման, արդյունավետության վերլուծության և META հարթակում բիզնեսի աճի ռազմավարությունների վերաբերյալ:
Ամադեուս դասընթացը կենտրոնացած էր ամրագրման տեխնոլոգիաների և գործառնական գործիքների վրա, որոնք անհրաժեշտ են ժամանակակից զբոսաշրջության ոլորտի մասնագետների համար:
Այս նախաձեռնությունը ընդգծում է Հայաստանի տուրիզմի ֆեդերացիայի շարունակական հանձնառությունը՝ զբոսաշրջության մասնագետներին համաշխարհային մակարդակին համապատասխանող հմտություններով զինելու և Հայաստանի զբոսաշրջության զարգացմանը աջակցելու համար։
