Ամադեուս դասընթաց. Հոկտ․28 – Նոյ․28

Տուրիզմի հայկական ֆեդերացիան հոկտեմբերի 28-ից նոյեմբերի 28-ը անց է կացնում Ամադեուս ամրագրման համակարգի ուսուցման կարճաժամկետ դասընթաց, որին մեթոդական և տեխնիկական աջակցություն է տրամադրվել RECONOMY-ի «Ոլորտների թվայնացում հանուն մրցունակության» ծրագրի կողմից։

Amadeus դասընթացին դուք կսովորեք

• ընտրել թռիչքներ, ստեղծել երթուղիներ,
• ընտրել օպտիմալ սակագներ,
• ստեղծել ամրագրում և դուրս գրել ավիատոմսեր,
• մասնագիտական խորհուրդ տալ ուղևորներին

Ծանոթություն Amadeus ծրագրի հետ․
Ամրագրումներ

• Ինչպես ստեղծել և կարդալ ամրագրման գրառում – PNR,
• Ամրագրման բոլոր հիմնական տարրերը և դրանց նշանակությունը,
• Ինչպես փոփոխել ամրագրումը – ամրագրման հետ կապված բոլոր հնարավոր գործողությունները (տոմսերի փոխանակում/վերադարձ),
• Ինչպես աշխատել ամրագրման արխիվի հետ,
• Ինչպես գտնել ամենաէժան սակագինը,
• Թռիչքներ – Ինչպես դիտել թռիչքների ժամանակացույցը,
• Ինչպես կարդալ ուղեվարձի կանոնները

Amadeus տեղեկատվական համակարգ

• Աշխատանք հերթերի հետ,
• Համակարգում ավիաընկերությունների հետ նամակագրություն;
• Amadeus օգնության համակարգ,
• Ինչպես կազմակերպել ամրագրման գործընթացը Amadeus-ի միջոցով:

Դասընթացը մշակվել է RECONOMY-ի «Ոլորտների թվայնացում հանուն մրցունակության» ծրագրի աջակցությամբ։
RECONOMY-ն Շվեդիայի միջազգային զարգացման համագործակցության գործակալության (Sida) ներառական և կանաչ տնտեսական զարգացման ծրագիր է, որն իրականացվում է Helvetas-ի կողմից՝ համագործակցելով «Ռազմավարական զարգացման գործակալություն» ՀԿ-ի և Արևելյան գործընկերության և Արևմտյան Բալկանյան երկրների այլ կազմակերպությունների հետ։
Դասընթացի առաջին խմբին ողջունեցին «Ոլորտների թվայնացում հանուն մրցունակության» ծրագրի ղեկավար Մհեր Սահակյանը և Տուրիզմի հայկական ֆեդերացիայի նախագահ Մեխակ Ապրեսյանը։
Մասնակիցները սովորում են, թե ինչպես մուտք գործել գլոբալ համակարգված տվյալների բազա՝ համալրված ավիաընկերությունների, օդանավակայանների, երկրների և նրանց սովորույթների, աշխարհագրական և կլիմայական առանձնահատկությունների, արձակուրդների, մուտքի կանոնների, պատվաստումների, ապահովագրության, վիզայի, մաքսային և միգրացիոն ձևականությունների մասին ստուգված և կանոնավոր թարմացվող տեղեկություններով:
Ամադեուս ամրագրման համակարգում աշխատելու գիտելիք և կարողություն ունեցող մասնագետները հնարավորություն կունենան հետագայում աշխատանք գտնել զբոսաշրջության ոլորտում համապատասխան գործունեություն իրականացնող կազմակերպություններում։